Şərq Tərəfdaşlığı Proqramının əsas məqsədi Avropa Birliyi və tərəfdaş ölkələr arasında artan siyasi birliyi və gələcək iqtisadi inteqrasiyanı sürətləndirmək üçün zəruri şərait yaratmaqdır.

Tərəfdaş ölkələrlə münasibətdə AB siyasətinin əhəmiyyətli dərəcədə gücləndirilməsi Avropa Qonşuluq Siyasətinin spesifik şərq aspektinin inkişafı vasitəsilə həyata keçiriləcək. Bu məqsədlə Şərq Tərəfdaşlığı tərəfdaş ölkələrin siyasi və sosial-iqtisadi islahatlarını dəstəkləməyə, onların Avropa Birliyinə müəyyən qədər yaxınlaşmasına çalışacaq. Şərq Tərəfdaşlıq Proqramı Avropa Birliyində, tərəfdaş ölkələrdə və  şübhəsiz ki, bütün Avropa kontinentində sabitlik, təhlükəsizlik və rifahın təmin olunmasına kömək edəcək. 

Şərq Tərəfdaşlığı  Proqramı Avropa Birliyinə üzv olma perspektivini nəzərdə tutmur, lakin eyni zamanda gələcək inteqrasiyanı da inkar etmir.