Azərbaycan, Ermənistan, Belarus, Gürcüstan, Moldova və Ukraynanın və Avropa Birliyinin üzv ölkələrinin dövlət və hökumət başçıları öz münasibətlərini yeni səviyyəyə qaldırmaq məqsədilə 2009-cu il mayın 7-də Praqada görüşmüş və Şərq Tərəfdaşlığı Proqramını qəbul etmişlər.

Şərq Tərəfdaşlığı Proqramı Avropa Birliyinin tərəfdaş ölkələrin problemlərinə, arzu və meyllərinə cavabıdır. Belə ki, Avropa Birliyi şərq qonşuluğunda gələcəkdə iqtisadi inkişaf, daha geniş demokratik idarəetmə və artan sabitlik müşahidə etməkdə çox maraqlıdır.

AQS-də əldə olunmuş inkişafa əsaslanaraq, Şərq Tərəfdaşlığı intensivləşdirilmiş əməkdaşlıq üçün həm ikitərəfli, həm də çoxtərəfli tədbirlər təklif edir. Tərəfdaş ölkələr öz imkanlarından asılı olaraq Avropa Birliyinə yaxınlaşacaq və əməkdaşlıq etməklə, Avropa Birliyinin təcrübə və yaxşı praktikası ilə öz aralarında bölüşəcəklər.