Azərbaycan hökumətinin qərarı ilə ölkədə 2010-cu ilin iyul ayının 1-dən Avro 1 və Avro 2 yanacaq standartlarının tətbiqi qərara alınmışdır. Elə həmin qərarla daha yüksək “Avro” yanacaq standartlarına keçidin planlaşdırılması nəzərdə tutulur. Ətraf mühitin mühafizəsinə və insan sağlamlığına xidmət edən bu mütərəqqi qərarın iqtisadiyyata və əhaliyə təsiri, Avro standartlarına keçidin təsirinin yumşaldılması və s. bu kimi məsələlər Vətəndaş Cəmiyyətini narahat edir.

   Hökumət rəsmilərinin məlumatlarından görünür ki, Avro 1 və Avro 2 standartlarına keçidin ölkə iqtisadiyyatına, əhalinin iqtisadi və sosial durumuna ağrılı təsiri olmayacaqdır. Lakin digər ölkələrin təcrübəsindən görünür ki, daha yüksək Avro standartlarına keçid müəyyən iqtisadi və sosial problemlər yaradır.

   Avro-1 və Avro-2 standartlarına keçid üzrə görülən tədbirlər və Avro-3-6  standartlarına keçidlə bağlı gözləntilərin ölkə ictimaiyyəti ilə müzakirə olunması məqsədilə İctimai forumun keçirilməsi Hökumət-Vətəndaş Cəmiyyəti daimi dialoqunun qurulmasına səbəb olar, qərarların qəbul edilməsində ictimaiyyətin iştirakının, idarəetmənin şəffalığının nümunəsi ola bilər.

Bununla bağlı Azərbaycan Avrointeqrasiya Milli ictimai Komitəsi "Ekolex" təşkilatı ilə birgə iyunun 11-də Hyyat Regency otelinin "Şuşa" zalında "Avro yanacaq standardlarına keçid:mərhələlər və gözləntilər" mövzusunda konfrans keçirək. Tədbirə Azərbaycan Respublikası İqtisadiyyat Nazirliyinin, Standarlaşma, Metrologiya və Patent Komitəsinin, Dövlət Neft Şirkətinin, eləcədə digər hökumət və qeyri-hökumət təşkilatlarının nümayəndələri dəvət alıblar.

Konfransda iştirak etmək üçün 050 573 83 43 telefonu ilə və yaxud ilgar.hasanli@yahoo.de elektron poçtu vasitəsi ilə AAMİK-in əlaqələndiricisi İlqar Həsənli ilə əlaqə saxlamaq xahiş olunur.