"Nabucco" layihəsinin qarşısında çoxsaylı çətinliklər var. Avropanın vahid qaz bazarı, enerji nəqlinin diversifikasiyası üzrə vahid mövqeyi yoxdur. Qərbi Avropanın qaz nəqlində mövqeyi Mərkəzi və Şərqi Avropadan əsaslı şəkildə fərqlənir". Bu açıqlamanı Strateji və Beynəlxalq Araşdırmalar Mərkəzinin enerji məsələləri üzrə eksperti Edvard Çou verib. Ekspert Türkiyə və Azərbaycan mətbuatının "Nabucco" layihəsinin rəhbərinə istinadən verdiyi "Nabucco"nun ləğvi mümkündür" xəbərini belə şərh edib:

"Nabucco" layihəsinin 2010-cu il üçün çox aqressiv hədəfləri var. "Nabucco"nun tərəfdaşları layihənin həlledici mərhələlərini yerinə yetirə bilmədikdə nə edəcəklər? Belə böyük miqyaslı layihələrin püxtələşməsi üçün uzun zaman tələb olunur və bu heç kimi təəccübləndirməməlidir".

Onun fikrincə, hazırda yeganə yeni qaz mənbəyi "Şahdəniz" yatağındakı ikinci fazadır, digər mənbələr isə gələcəkdə istifadə oluna bilinəcək potensial mənbələrdir.

Analitik həm də bildirib ki, ilk növbədə həll olunacaq məsələ a) qaz ehtiyatlarının, xüsusilə Azərbaycanda bu ehtiyatların sonrakı inkişafı; b) Türkiyə ilə tranzit qaz nəqli üzrə razılığın əldə olunması; c) İstanbulun qərbinə, ilk növbədə nəqlin diversifikasiyasına daha çox ehtiyacı olan Cənub-Şərqi Avropaya daha çox qaz ötürülməsidir. "Planlar nə qədər ambisiyalıdırsa, onların yerinə yetirilməsi bir o qədər çox vaxt tələb edir".